Close message
Skip to content

Te Whakamana Pōti Wahine — Ko te whana iho i te tatau

Embedded content: https://www.youtube.com/watch?v=I6o-7jCQy-I

Tētahi o ngā kōrero maha mō te Petihana Whakamana Pōti Wahine. Nau mai ki He Tohu kia kite me te rongo kōrero anō mō tēnei.


Transcript

Ataata

Ka puta mai tētahi tuhinga i tētahi mata pango, e mea ana: Te Whanganui-a-Tara, 28 o Hōngongoi, 1893.

Ka whakakitea ētahi wāhine e mau panekoti kikorangi ana, e mau pōtae ana, he pahikara hoki ō ētahi, e hui ana i ngā arapiki o tētahi whare nui, he matapihi nui ō te whare.

Tuhinga

Mēnā i taea e ia, kua turaki a Kate Sheppard i ngā tatau o te Whare Pāremata kia waiho ai māna anō e mau atu te Petihana Whakamana Pōti Wahine.


Ataata

E pupuri ana i ngā ringaringa o tētahi tāne hina nei ngā makawe tētahi tākai nui, he pāhau pūhutihuti ōna, ā, e mau ana ia i tētahi hūtu waiporoporo.

Tuhinga

Engari, nā Tā John Hall kē i mau atu te tākai nui whakaharahara māna.

I te takanga o te tuhinga ki te papa, ka ngū te whare katoa.


Ataata

Ka mātakitaki ngā rārangi tāne i te Whare Pāremata, e mau pōtae ana ētahi, ā, kei ngā rekereke o Tā John Hall te tākai nui.

Tuhinga

He mea hanga te tākai e ngā wāhine nā Kate Sheppard i ārahi.


Ataata

Kei muri i tētahi tēpu a Kate Sheppard e noho ana, he wahine e mau nei i tētahi panekoti kōura, he kakī roa, ā, he ringaringa kōpuku hoki ō te panekoti. E whakapiri ana ia i te pia ki te pito o tētahi pepa e kī ana i te waitohu.

Tuhinga

E hia marama rātou e whakapiripiri ana i ngā pepa waitohu kia puta mai ai tētahi petihana nui tonu

Koinei te reo o ngā wāhine e 25,000 puta noa i te motu e tono ana kia whakamanahia tō rātou āhei ki te pōti.

Kātahi ka rite te Petihana Whakamana Pōti Wahine.


Ataata

Kei muri tonu i te tēpu, ka tū a Kate e pupuri ana ia i ngā pepa kua tākaia. Kua pūtikitia ōna makawe kikorangi, roroa hoki.

Tuhinga

Kotahi te whananga o te waewae o Tā John Hall, ka rere te petihana i te papa kia kitea ai ngā waitohu e te katoa.


Ataata

Ka tākiri haere te pepa roa e pīrori ana i te whāriki waiporoporo o te Whare Pāremata.

Tuhinga

Ka pao te petihana ki te pātū o te whare, me te aha, ka haruru te Whare Pāremata.


Ataata

Ka titiro iho tētahi tāne e mau kahu ana i te tūranga kauhau ki te tākai kua tākirihia nei e tūtuki ana ki te hanganga rākau e noho ana ia.

Tuhinga

I tutuki te whāinga o te mahi nei. Mei kore ake a Kate Sheppard me te petihana i āhei ai ngā wāhine katoa o Aotearoa ki te pōti.


Ataata

Kei waho e menemene ana te huinga kaupēhipēhi, ā, he putiputi mā kua titia ki ō rātou poho. Kātahi ka whiua e tētahi tana pōtae ki te rangi. E pupuri ana i tētahi atu tētahi tohu e mea ana, ‘Me pōti te wahine.’ E tū ana ētahi wāhine tokorua i ngā taha o Kate, ka tungou ia, ka menemene.

Tuhinga

He kotahi tēnei o ngā kōrero huhua mō te petihana Whakamana Pōti Wahine. Kimihia ētahi atu i He Tohu.


Ataata

Ka puta mai te tohu kārikiorangi, karaka, waiporoporo hoki o He Tohu. He whakapuakitanga, he tiriti, he petihana. Tohumarau He Tohu. Te Puna Mātauranga o Aotearoa, Te Whanganui-a-Tara. Kiahi i whara he tuhinga motuhake o te motu i roto i te waihanga mai o tēnei whakaari. Te tohu o te Kāwanatanga o Aotearoa.


Ngā whakamihi

He mea hanga i te taha o Te Tari Taiwhenua.

Ariā auaha — Ogilvy New Zealand

Pakiwaituhi tāoreore — YukFoo

Reo — Ani-Piki Tuari

Any errors with the transcript, let us know and we'll fix them digital-services@dia.govt.nz